வடமாகாண ஆளுநரை சந்தித்த அமெரிக்க மற்றும் நெதர்லாந்து தூதுவர்கள்

இலங்கைக்கான அமெரிக்க தூதுவர் அலெய்னா பி ரெப்லிட்ஸ் (Alaina B. Teplitz) மற்றும் நெதர்லாந்து தூதுவரான ஜோன்னே டோர்னிவேர்ட் (Joanne Doornewaard) ஆகியோர் வடமாகாண ஆளுநர் கலாநிதி சுரேன் ராகவனை சந்தித்துள்ளனர்.

ஆளுநர் செயலகத்தில் இன்றைய தினம் இந்த சந்திப்பு இடம்பெற்றுள்ளது.

இந்த சந்திப்பின் போது வடமாகாணத்தின் தற்போதைய நிலைமைகள் குறித்து ஆராயப்பட்டதுடன், யாழ் மாவட்டத்தில் உள்ள மக்களின் பொருளாதார நிலைமைகள் தொடர்பிலும் கலந்துரையாடப்பட்டுள்ளது.

யுத்தத்தினால் பாதிக்கப்பட்ட வடபகுதி மக்கள் எதிர்நோக்கியுள்ள பொருளாதார ரீதியிலான பிரச்சனைகள் தொடர்பில் வடமாகாண ஆளுநர் விளக்கமளித்ததுடன், இந்த மக்களை பொருளாதார ரீதியில் மேம்படுத்துவதற்கு சாத்தியமான நடவடிக்கைகள் குறித்து அவதானம் செலுத்துமாறும் இரு நாட்டு தூதுவர்களிடமும் ஆளுநர் கோரிக்கை விடுத்துள்ளார்.

அத்துடன் வடமாகாணத்தை கட்டியெழுப்ப வெளிநாட்டில் வாழும் இலங்கையர்கள் மற்றும் நிபுணர்களின் தேவைகள் குறித்தும் வடமாகாண ஆளுநர் இதன்போது சுட்டிக்காட்டினார்.

Share:

Author: theneeweb